மேஷம், விருச்சிக ராசி அதிபதியான செவ்வாய் பகவான் விருச்சிக ராசிக்கு இன்று நவம்பர் 16ம் தேதி துலாம் ராசியிலிருந்து விருச்சிக ராசிக்கு காலை 10.46 மணிக்கு பெயர்ச்சி ஆனார். ஏற்கனவே விருச்சிகத்தில் சஞ்சரிக்கக்கூடிய புதன் பகவானும், நாளை நவ 17 அன்று சூரிய பகவானும் விருச்சிக ராசிக்கு மாறுகின்றனர்.
விருச்சிகத்தில் உருவாகும் ராஜ யோகங்கள்:
விருச்சிக ராசியில் இருக்கும் புதனுடன் சூரியன் சேருவதால் புதாதித்ய யோகம் உருவாகிறது.
சூரியனுடன் செவ்வாய் சேரக்கூடிய ஆதித்திய மங்கள ராஜ யோகமும்,ஆயுஷ்மான் ராஜ யோகம் உருவாகக்கூடிய நிலையில், செவ்வாய் விருச்சிக ராசியில் ஆட்சி, அதிபதியாக அமர உள்ளார். இதனால் 5 ராசியினருக்கு இந்தாண்டு இறுதிக்குள் தொழில், வியாபாரம், வேலையில் முன்னேற்றமும் லாபமும் கிடைக்கும்.
சிம்ம ராசி
-----------------
சிம்ம ராசி அதிபதி 4ம் வீடான சுக ஸ்தானத்தில், அந்த ஸ்தான அதிபதி ஆட்சி பெற்றிருக்கக்கூடிய நிலையில் சேர்ந்து சஞ்சாரம் செய்ய உள்ளார். அடுத்த ஒரு மாத காலத்திற்கு இந்த கிரகங்களின் சேர்க்கை மற்றும் சஞ்சாரம் காரணமாக, சிம்ம ராசியினருக்கு நிதி தொடர்பான முன்னேற்றமும், வாழ்க்கையில் சுக போகங்கள் ஏற்படும்.
உங்களின் முதலீடுகள் மூலம் நல்ல பலனை அடைந்திட முடியும். அதனால் முடிந்தவரை ஆலோசித்து முதலீடு செய்ய முயலவும். வண்டி, வாகனம் சார்ந்த பலனும், தொழிலில் நற்பலனும் அடைந்திடலாம். மேலும், தொழிலதிபர்களும் இந்த வாரம் லாபத்தையும் செழிப்பையும் பெறுவார்கள்.
கன்னி ராசி
-------------------
கன்னி ராசி அதிபதியான புதன் பகவான் 3ம் வீடான (விருச்சிகத்தில்) தைரிய ஸ்தானத்தில் சஞ்சரிக்கக்கூடிய நிலையில், அங்கு சூரியன், செவ்வாயின் சஞ்சாரம் காரணமாக உங்களின் நம்பிக்கையும், தைரியமும் அதிகரிக்கும். உங்கள் குடும்ப வாழ்க்கையில் சாதக பலன்கள் அடைந்திடலாம்.
இளைய சகோதரர்களுடனான உறவு முன்பை விட வலுவாக இருக்கும். மாணவர்களுக்கு கல்வியில் சிறப்பாக செயல்படவும், போட்டி, தேர்வுகளில் வெற்றியும் கிடைக்கும். தந்தை, ஆசிரியர்களின் முழு ஆதரவு கிடைக்கும்.
விருச்சிக ராசி
----------------------
விருச்சிக ராசி அதிபதியான செவ்வாய் ராசியிலேயே ஆட்சி, அதிபதியாக சஞ்சரிக்கக்கூடிய அடுத்த ஒன்னறை மாத காலத்தில் உங்களுக்கு பல அம்சங்களில் பயனுள்ளதாக இருக்கும். தேர்வுகள், போட்டிகள், விளையாட்டுகளில் ஈடுபாடும், அதில் வெற்றியும் கிடைக்கும்.
சொத்து சார்ந்த விஷயத்தில் சாதக பலன்கள் உண்டாகும். சொத்து வாங்குதல், விற்பது தொடர்பாக லாபம் கிடைக்கும். மனைவியுடன் சேர்ந்து சொத்து வாங்க முடியும்.
மகர ராசி
---------------
மகர ராசிக்கு 11ம் இடமான லாப ஸ்தானத்தில் செவ்வாய் ஆட்சி பெறுவதும், சூரியன், புதன் சேர்க்கையால் புதாதித்ய யோகம் உருவாகுதல் போன்ற விஷயங்களால் உங்களுக்கு பண பலன்களைப் பெற்றிட முடியும். ரியல் எஸ்டேட் சார்ந்த முதலீடுகள் செய்ய நல்ல பலன் கிடைக்கும். நிதி விஷயங்களில் உங்களுக்கு சாதகமான பலன்களை அனுபவிக்கலாம். உங்கள் குடும்பத்தில் அமைதியும், மகிழ்ச்சியும் ஏற்படும். குடும்ப உறுப்பினர்களின் ஆதரவு கிடைக்கும்.
தொழில், வியாபாரத்தில் நீங்கள் நினைத்த நல்ல லாபத்தை அடைந்திட முடியும். வேலை, தொழிலில் உங்களின் கடின முயற்சியும், வலுவான ஆரோக்கியமும் முன்னேற்றத்திற்கு உதவும். சட்ட விவகாரங்களில் உங்களுக்கு சாதகமாக வரலாம்.
கும்ப ராசி
----------------
கும்ப ராசிக்கு 10ம் வீடான கர்ம, தொழில் ஸ்தானத்தில் செவ்வாய் பகவானின் சஞ்சாரம் உங்களின் தொழில் வாழ்க்கைக்கு மிகவும் சாதகமாக இருக்கும். உங்கள் பணியிடத்தில் சிறப்பாக செயல்படவும், பாராட்டும் கிடைக்கும்.
வியாபாரத்தில் குறிப்பிடத்தக்க லாபத்தையும் பெறுவீர்கள். செவ்வாயின் அமைப்பால் உங்கள் வியாபாரத்தை விரிவாக்க உங்கள் இளைய சகோதரர்களின் ஆதரவு கிடைக்கும்.
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.