(புதியவன்)
ஐரோப்பிய நாடுகளிடையே சொத்துக்களை கொள்வனவு செய்வதற்கு பொருத்தமற்ற 10 இடங்கள் வெளிப்படுத்தப்பட்டுள்ளன.
இந்த வெளிப்படுத்தலானது பிரான்ஸ் மற்றும் ஜெர்மனி ஆகிய நாடுகளுக்கு ஒரு நல்ல செய்தியாக கருதிவிட முடியாது என சர்வதேச ஊடகங்கள் தெரிவிக்கின்றன.
வீட்டு விலை குறிக்காட்டியின் தரவுகளுக்கமைய, ஐரோப்பாவில் உள்ள எட்டு நாடுகளில் 2023 ஆம் ஆண்டின் இறுதி மூன்று மாதங்களில் வீடுகளின் விலைகள் வீழ்ச்சியடைந்துள்ளதாக அறிவிக்கப்பட்டுள்ளது.
இதன்படி, 2023 ஆம் ஆண்டின் இறுதி மூன்று மாதங்களில் ஐரோப் பகுதியில் வீடுகளின் விலை 1.1 வீதம் குறைவடைந்துள்ளதாக தெரிவிக்கப்படுகிறது.
இந்தநிலையில், ஜெர்மனியில் 7.1 வீதம் வீழ்ச்சியடைந்துள்ளதுடன், லாத்வியாவில் விலை 2.5 வீதம் வீழ்ச்சி கொண்டுள்ளதாகவும் குறிப்பிடப்பட்டுள்ளது.
இருப்பினும், மிக்க கடுமையான பாதிக்கை எதிர்கொள்ளும் நாடுகளில் ஒன்றாக லக்சம்பர்க் கருதப்படுகிறது.
தெற்கு மற்றும் கிழக்கு ஐரோப்பிய நாடுகள் அண்மையில் வலுவான பொருளாதார வளர்ச்சியை அனுபவித்ததாக பொருளாதார வல்லுநர்கள் குறிப்பிட்டுள்ளனர்.
இந்த நிலையானது குறித்த பகுதிகளில் வீடுகளின் விலைகள் அதிகரிப்பதற்கு ஏதுவாக அமைந்ததாக தெரிவிக்கப்படுகிறது.
இதேநேரம், ஜெர்மனி மற்றும் பிரான்ஸ் போன்ற முக்கிய நாடுகள் தேக்கநிலை அல்லது பலவீனமான வளர்ச்சியை எதிர்கொண்டதாகவும், இது அவர்களின் வீட்டு சந்தைகளை எதிர்மறையாக பாதித்ததாகவும் தெரிவிக்கப்படுகிறது.
இது இவ்வாறிருக்க, ஏனைய நாடுகளில் இருந்து ஐரோப்பிய நாடுகளுக்கு புலம்பெயர்ந்தவர்கள் வீடுகளை கொள்வனவு செய்வதற்கு இதனை ஒரு சிறந்த காலமாக கருத்தமுடிகிறது.
முக்கிய நகரங்களில் வீடுகளின் விலைகள் வீழ்ச்சியடைந்த நிலையில், விற்பனையாளர்களுக்கு பாதகமான நிலைமையை தோற்றுவித்த போதிலும், புலம்பெயர்ந்தோர் சொத்துரிமை உடையவர்களாக மாறுவதற்கான சந்தர்ப்பமாக அமைந்துள்ளது.(ப)
361, Kasthuriyar Road, Jaffna.
0771209996
admin@uthayan.com
Copyright © 2023 UTHAYAN All rights reserved.